Rutahizamu w’Ikipe y’Igihugu na APR FC, Tuyisenge Jacques, yasezeranye imbere y’Imana n’umugore we mu bukwe bwabereye i Rubavu(AMAFOTO)

Rutahizamu w’Ikipe y’Igihugu na APR FC, Tuyisenge Jacques, yasezeranye imbere y’Imana na Musiime Recheal Jordin mu bukwe bwabereye i Rubavu ku wa Gatandatu tariki ya 21 Kanama 2021.

Tuyisenge na Musiime Recheal Jordin basezeraniye muri EPR Gisenyi, kwiyakira bibera muri Gorilla Hotel i Rubavu.

Tuyisenge Jacques, yasezeranye imbere y’Imana na Musiime Recheal Jordin mu bukwe bwabereye i Rubavu

Ku wa Gatanu ni bwo habaye gusaba no gukwa mu bindi birori byabereye i Ndera muri Gasabo.

Tuyisenge na Musiime Recheal Jordin basezeranye imbere y’amategeko mu Murenge wa Kimihurura muri Gashyantare 2021.

Icyo gihe, bombi bari bateganyije ko nyuma yo gusezerana imbere y’amategeko, bazahita bakurikizaho gusezerana imbere y’Imana, ariko bisubikwa kubera ingamba zo kwirinda COVID-19.

Tuyisenge Jacques yari mu bakinnyi bari mu mwiherero w’Amavubi ari kwitegura imikino ya Mali na Kenya izaba mu ntangiriro z’ukwezi gutaha mu ijonjora rya kabiri ryo gushaka itike y’Igikombe cy’Isi cya 2021.

Gusa, yawuvuyemo ku wa Kane nyuma ya saa sita kugira ngo yitegure ubu bukwe ndetse byitezwe ko nyuma y’ubukwe ahita asanga bagenzi be.

Tuyisenge Jacques yari mu bakinnyi bari mu mwiherero w’Amavubi ari kwitegura imikino ya Mali na Kenya

Tuyisenge Jacques ufite imyaka 29, yanyuze mu makipe atandukanye mu Rwanda no muri Afurika, arimo Kiyovu Sports yavuye mo yerekeza muri Police FC. Yayigiriyemo amahirwe yo kwerekeza muri Gor Mahia yo muri Kenya, ahava ari umwe mu bakinnyi bakunzwe.

Yavuye muri Kenya yerekeza muri Angola mu ikipe ya Petro-Atlético de Luanda yavuyemo agaruka mu Rwanda, asinyira ikipe y’Ingabo ya APR FC muri Nzeri 2020 amasezerano azageza mu mwaka wa 2022.

Wari umunezero udasanzwe kuri Tuyisenge n’umukunzi we
Ubu bukwe bwabereye i Rubavu

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE