Shadboo aracyafite agahinda gakomeye kubera abamusetse ko yavuze icyongereza gipfuye ubwo yageraga muri Tanzania.

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Mbabazi Shadia wamenyekanye nka Shaddy Boo yongeye kwibasira abantu bigeze kugaragaza ko Icyongereza cye kigerwa ku mashyi, kubera icyo mu 2017 yavugiye muri Tanzania kikavugisha benshi.

Shaddy Boo yabivugiye mu kiganiro yakoreye ku rubuga rwe rwa Instagram ubwo yaganiraga n’uwitwa Muchomante. Iki kiganiro cyari kigamije kugaragaza ukuntu bamwe mu bantu bo mu myidagaduro baryarya uyu mugore uvuga ko we akunze gufasha abantu ariko yategereza ko bamufasha agaheba.

Shaddy Boo yongeye kwibasira abantu bigeze kugaragaza ko Icyongereza cye kigerwa ku mashyi

Aha ni naho yakomoje ku kuntu yagiye muri Tanzania Icyongereza cye kikaba igitaramo mu gihe abari bamutumiye bo bamubwiye ko nta kibazo bakigizeho cyane ko icyo bamushakagaho bari bakibonye.

Ati “Bambwiye ko abanya-Tanzania bankunze. Diamond we yambwiye ko nakoze ikintu cyiza. We yashakaga ko ibintu bye bimenyekana kandi byarabaye. Akambwira ati ‘abantu b’iwanyu nibo bari kuguseka’. Uriya munsi ni wo munsi wa mbere nagiye kuri Instagram mbona ko mu Rwanda ntawe ukunda undi ku kintu yagezeho.”

Yakomeje avuga ko atavuga Icyongereza ahubwo akunze gukoresha Igifaransa bityo ibyo yavuze bitari kuba ikibazo gikomeye, ahubwo yari gushyigikirwa.

Yavuze ko uretse kumukwena bamushinja ubumenyi buke mu kuvuga Icyongereza n’ubundi abanyarwanda bamwe badakunda gushyigikira bagenzi babo.

Ati “Nafunguye biriya bintu bya ‘Love on the Plate’ bijyanye no gucuruza ibiryo ariko nta muhanzi n’umwe mu bakomeye wigeze amfasha (abo mvuga bariyizi). Njyewe indirimbo zabo ndazamamaza ariko bo banyeretse ko ibyanjye batabyitayeho. Abanyarwanda benshi ni abanyeshyari ariko njyewe Imana ikunze kumba hafi.”

Muri Nzeri 2018 ubwo yatumirwaga na Diamond muri Tanzania kuyobora amarushanwa uyu muhanzi yari yateguye yo kubyina indirimbo ye ‘Jibebe’, yagarutsweho nyuma yo kurya indimi abajijwe ikibazo mu Cyongereza.

Mu kiganiro n’abanyamakuru yabajijwe icyo abona abaturage bo muri Tanzania batandukaniyeho n’abo mu Rwanda. Ati “Abaturage b’ino aha ni amajyambere kurusha abo mu gihugu cyacu.”

Mu magambo ye yavuze ko ‘Here Tanzania people are so development more than our country.’

Bamwe bamutaramiyeho bavuga ko ‘Imana itaguha ubwiza n’ikibuno nk’ibye’ ngo ugire n’ubuhanga mu kuvuga indimi.

Hari n’abahise batangira kumunnyega bashushanya ikiganiro cye ku mbuga nkoranyambaga nk’ukoresha utumenyetso tuzwi nka ‘emoji’ kubera ubumenyi buke mu ndimi.

Shadboo ni umwe mubagore bakurikirwa cyane kumbuga nkoranyambaga hano mu Rwanda

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO