Ubwongereza : Byari ibyishimo bidasanzwe, nyuma y’amezi 16 ubwo utubari n’utubyiniro twongeraga gufungura imiryango, Kwambara agapfukamunwa no guhana intera byakuweho(Amafoto)

Nyuma y’amezi 16 utubari n’utubyiniro bifunzwe kubera icyorezo cya Covid-19, byongeye gukomorerwa mugihugu cy’Ubwongereza.

Kwambara agapfukamunwa, guhana intera ntabwo bikiri itegeko muri iki gihugu.

Byari ibyishimo bidasanzwe kubakunda akabari

Ku Cyumweru nibwo, hatangajweko, utubari n’utubyiniro byongeye gukomorerwa nubwo icyorezo cya Koronavirusi kicyibasiriye abatuye iki gihugu.

Byari ibyishimo bidasanzwe ku baturage batuye iki gihugu ubwo utubari n’utubyiniro byongeraga gufungurwa, utubari hafi ya twose two mu mujyi wa Londre twari twuzuye abantu baje kwinezeza abandi batonze imirongo bashaka kwinjira ndetse hari naho amatike yo kwinjira yari yamaze gushira.

Ubwongereza ni kimwe mu bihugu byambere ku isi byakuyeho ingamba zo kwirinda ikwirakwira rya Koronavirusi harimo kwambara agapfuka munwa no guhana intera hagati y’umuntu nundi.

Guhana intera no kwambara agapfukamunwa muruhame byakuweho

Nubwo ibi byakuweho, guverinoma y’Ubwongereza iherutse gutangazako abantu badakwiye kwirara kuko icyorezo kigihari muri iki gihugu.

Bamwe mubaharanira uburenganzira bwa muntu mu Bwongereza bamaganye iki cyemezo cyo kongera gufunura utubari bavugako bishobora gushyira ubuzima bw’abantu mukaga kubera kudohoka ku mabwiriza yo kwirinda iki cyorezo.

Mugihugu cy’Ubwongereza abagera ku bihumbi 129 bamaze kwica na Covid-19 naho abarenga miliyoni 5 nibo bayanduye.

Dj Jax Jonas ngo yasaga nuwatawe nawe ibyishimo byari byamusaze
Byari ibirori bidasanzwe

 

Tanga Igitekerezo ukoresheje Facebook

SHARE