Umugabo wa wa Senateri Mureshyankwano Marie Rose ari mubaguye mu mpanuka ikomeye yabereye mu Karere ka Kamonyi

Impanuka yabereye ahitwa mu Nkoto, mu Murenge wa Rugarika mu Karere ka Kamonyi mu gitondo cyo kuri uyu wa kane tariki 13 Gashyantare 2020, yahitanye abantu barindwi barimo na Ngendahayo Edouard wari umugabo wa Senateri Mureshyankwano Marie Rose.

Nyuma y’uko iyo mpanuka ibaye, hirya no hino ku mbuga nkoranyambaga hakomeje gukwirakwira ubutumwa bugaragaza urutonde rw’abantu bayiguyemo, ari na rwo rugaragaraho Ngendahayo.

Ngendahayo Edouard wari umugabo wa Senateri Mureshyankwano Marie Rose.

Senateri Mureshyankwano yahamije ko ayo makuru ari impamo, n’ikiniga cyinshi agira ati “Ni byo, ni byo yapfuye ubwo yerekezaga ku Kibuye agiye ku kazi”.

Impanuka yabaye yaturutse ku modoka ya Fuso yari ipakiye ibita iva i Muhanga yerekeza i Kigali, yabuze feri maze ikagongana n’imodoka itwara abagenzi ya coaster hapfamo batandatu.

Iyo modoka ya Fuso kandi yanagonze indi ya Toyota Hilux, ari na yo yari itwawe na Ngendahayo w’imyaka 54, na we ahita yitaba Imana.

Abandi baguye muri iyo mpanuka ni abari muri coaster, ari bo: Rukundo Theogene w’imyaka 44, Mutesi Marie Louise w’imyaka 29, Ntawushiragahinda Thacien w’imyaka 31, Dr. Eric Munezero w’imyaka 43, Pc Irafasha Gervas w’imyaka 28 wakoreraga Polisi mu Karere ka Gicumbi, n’undi mukobwa wo mukigero cyimyaka 30 utabashije kumenyekana imyirondoro.

imodok yangiritse bikomeye

Ngendahayo yakoraga muri Koperative y’abahinzi b’icyayi ba Rutsiro (RUTEGROC). Yari asanzwe ari Umujyanama mu nama Njyanama y’Akarere ka Rutsiro uhagarariye Urugaga rw’Abikorera PSF.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE