Umugabo warugiye gusezerana yasize umugore murusengero n’abari batashye ubukwe, ajya gukorera amafaranga y’umukiriya wari umukeneye cyane

Umugabo witwa Efful-Etteh utuye mugace ka Cape Coast mugihugu cya Ghana, yatunguye benshi mu bari batashye ubukwe bwe, maze ata umugeni ajya mu kazi, ubwo ubukwe bwari burimbanyije.

Wari umunsi w’ibirori bidasanzwe kuri uyu mugabo usanzwe akora akazi ko ku manika ibyuma bitanga amashusho bya DSTV muri Ghana.

Uyu mugabo n’umugore we bari babukereye mu myambaro y’urwererane yambarwa n’abageni, bahuruje inshuti n’imiryango ngo babereke ibirori.

Umugabo warugiye gusezerana yasize umugore murusengero n’abari batashye ubukwe, ajya gukorera amafaranga y’umukiriya wari umukeneye cyane

Icyaje gutungura abantu benshi muri ubu bukwe, ni igihe aba bageni bari basigaje igihe gito ngo basoze umuhango wo gusezerana imbere y’Imana, nuko umugabo yitaba telefone asohoka yiruka, abari ahongaho ntibamenye ikibaye ndetse n’umugore ntiyasobanukiwe igitumye umugabo we asohoka igitaraganya.

Gusa nyuma byaje kumenyekana icyari gisohoye uyu mugabo biturutse ku mashusho yakwirakwijwe ku mbugankoranyambaga agaragaza uyu mugabo wari wambaye imyambaro y’ubukwe ari kumanika antene y’umukiriya warufite ikibazo cyo kureba amashusho ya televiziyo yari aguze.

Uyu mugabo yashimwe n’abantu benshi abandi baramugaya bavugako akunda cyane ifaranga.

Ubwo uyu mugabo yaganiraga n’ikinyamakuru Ghana today dukesha iyi nkuru yavuzeko, ibyo yakoze nubwo byamutunguye yabanje kubitekerezaho cyane ndetse ntiyigeze agisha inama umugore cyangwa ngo amubwire ibyo agiye gukora.

Yagize ati“Ubwo twari murusengero, imihango yo gusezerana yasaga nirangiye, hasigaye kudusezerera, hari numero yari yahoze impamagara cyane, nayitabye numva ni umukiriya ukeneye ubufasha bwihutirwa, ntakindi nahise ntekereza ko ubukwe nakoze abatumye mbukora ari abakiriya banjye bamfashije cyane kubera amafaranga bagiye bampa, nahise mfata umwanzuro ndavuga nti, reka naya njye kuyakorera, ndagaruka tugiye kwiyakira, nahise ngenda, nkora akazi ndetse nzana n’amafaranga ubukwe burakomeza.”

Aya mashusho yafashwe uyu uyu mugabo yakuruye amarangamutima ya benshi ndetse ikigo uyu mugabo akorera cya DSTV cyemereye akayabo uyu mugabo bahita banamuzamura muntera mu kazi yari asanzwe akora.

Tanga Igitekerezo ukoresheje Facebook

SHARE