Umugabo wo muri Congo aritegura kugurutsa icyogajuru yakoze gifite ubushobozi bwo kuzamuka mu kirere intera y’ibilometero 200(REBA AMAFOTO)

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

Umunya-Repubulika ya Demukarasi ya Congo, Ingenieur Jean-Patrice Keka Ohemba aritegura kumurika icyogajuru ‘Troposphère 6’ yakoze gifite ubushobozi bwo kuzamuka mu kirere intera y’ibilometero 200.

Nk’uko byatangajwe na televiziyo ARTE yo mu Bufaransa tariki ya 18 Mata 2022, iki cyogajuru gifite uburebure bwa metero 15 kizamurikwa mu mezi ari imbere.

imyiteguro yo kuzamura iki cyogajuru yaratangiye

Iyi televiziyo igira iti: “Mu myaka 10, Jean-Patrice Keka n’itsinda rye bashoboye kuzamura mu kirere ibyogajuru bitanu byageze ku bipimo bitandukanye by’intego yabo, ariko hejuru ya byose arashaka guhuza amagana y’abanyeshuri bo muri Congo bashaka guteza imbere ubumenyi bw’isanzure muri Afurika.”

Kuri iki cyogajuru, iyi televiziyo yagize iti: “Abikesheje inkunga yakusanyirijwe, Jean-Patrice Keka mu mezi ari imbere azamurikira imbere y’abanyeshuri be, bagenzi be n’inshuti, Troposphère 6, icyogajuru cya metero 15 kizazamuka mu ntera y’ibilometero 200.”

Patrice Keka yavukiye i Lubumbashi mu ntara ya Haut-Katanga muri Repubulika ya Demukarasi ya Congo mu mwaka w’1968.

Yize amasomo y’ubucuruzi, ariko kubera amatsiko yakuranye by’umwihariko ku bumenyi bw’isanzure, agira igitekerezo cyo kubaka icyogajuru mu isambu ye.

Mu kiganiro yagiranye n’ikinyamakuru Genie d’Afrique, Keka yigeze kubisobanura ati: “Mu gihe nigaga amasomo y’ubucuruzi, nafataga umwanya wo gutekereza cyane, ntekereza kubaka icyogajuru mu isambu yanjye.”

Bitewe n’impano yiyumvagamo mu by’ubumenyi bw’isanzure, Keka yaje kwiga n’amasomo ya siyansi mu ishuri rikuru rya ISTA (Institut Supérieur de Techniques Appliquées) i Kinshasa, akuramo impamyabumenyi cy’icyiciro cya mbere.

Ingenieur Jean-Patrice Keka Ohemba aritegura kumurika icyogajuru ‘Troposphère 6’ yakoze gifite ubushobozi bwo kuzamuka mu kirere intera y’ibilometero 200.

Ashingiye ku mpano n’ibyo yize, Keka yashinze ikigo cyigenga cy’ubumenyi bw’isanzure cya DTA (Développons Tous Azimuts) akoreramo ubushakashatsi, akanigishirizamo abanyeshuri be bafite inzozi zo kuzaba abahanga muri ubu bumenyi.

Muri iki kigo, hagaragaramo icyumba ‘Centre de Controle’ kirimo ikoranabuhanga rigenzura ibyogajuru na za televiziyo zerekana amashusho yabyo mu gihe byazamuwe mu kirere.

Hari ikindi cyumba kinini giteretsemo iki cyogajuru cya Troposphere 6 bigaragara ko kigitunganywa mbere y’uko cyoherezwa mu kirere nk’uko Keka yabisobanuriye umunyamakuru wa ARTE.

Muri iki kigo, hagaragaramo icyumba ‘Centre de Controle’ kirimo ikoranabuhanga rigenzura ibyogajuru na za televiziyo zerekana amashusho yabyo mu gihe byazamuwe mu kirere.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO