Umugore yahejeje umwana we umwuka ari kumusengera ngo amwirukanemo amadayimoni, ni nyuma y’uko umupasiteri wo muri iryo torero asengeramo nawe ateye abakobwa 2 inda.

Mary Wambui umugore wo mu idini gakondo muri mu gace kitwa Kirinyanga muri Kenya ryitwa Akurino yafataga mwana we witwa Collins Siaki mu ijosi ari kumusengera ngo abadayimoni bamuvemo bimuviramo kumuniga akamuheza umwuka kugeza apfuye.

Umuyobozi wa Polisi muri Kirinyaga witwa Moses Ivuto yavuze ko madamu Wambui yishe umwana we kuwa Gatandatu tariki ya 23 Mutarama 2021 kubera imyizerere idahwitse y’idini asengeramo bityo agiye gukurikiranwaho icyaha cy’ubwicanyi.

Umugabo we uvugako Wambui yasengeraga umwana kuko Atari ameze neza Ati: “Natekerezaga ko ari amasengesho asanzwe kugeza ubwo umwana yagwaga hasi yapfuye.”

Umurambo w’uyu mwana wahise ujyanwa ku bitaro byitwa Kerugoya Referral mu gihe uyu mugore we yahise afungirwa ku biro bya polisi bya Sagana.

S’ubwa mbere umuyoboke w’idini rya Akorino akoze amahano kuko mu minsi ishize humvikanye inkuru y’umupasiteri witwa John Gichina, wo muri iri torero gakondo wafunzwe ashinjwa gutera inda abakobwa be 2 barimo uw’imyaka 16-ufite inda y’amezi 7 n’undi w’imyaka 14 utwite inda y’amezi 5, ibi byanatumye umucamanza wo mu karere ka Baricho, Anthony Mwicigi amukatira imyaka 70 kuri buri mukobwa yateye inda.

Urukiko rwategetse ko azahabwa ibi bihano kimwe ukwacyo, byumvikana ko azamara imyaka 140 ari muri gereza.

Uyu mupasitori w’imyaka 51 avuka mu karere ka Kirinyaga hagati muri Kenya, yemeye ko yafashe ku ngufu aba bakobwa be mu rukiko kuwa 5 z’uku kwa mbere, hanyuma akatirwa ku wa 07 Mutarama.

Yavuze ko yatewe na shitani afata ku ngufu abakobwa be, ahita abasaba imbabazi mu rukiko.

Uyu mugabo w’imyaka 51 yatangiye gushakishwa nyuma y’aho umukazana we Wambura Muriithi atangaje uko byagenze.

Madamu Wambura yagize ati “Yateye ubwoba umugore we ko azamugirira nabi navuga ibi bikorwa bye bibi ndetse bitera ubwoba mu muryango.Ndashaka ubutabera mu muryango nashatsemo.”

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE