Umuhanzi Diamond yatunguye abanya-Tanzania, yaguze imodoka idasanzwe imeze nkiyo Perezida wa Amerika agendamo irimo ibikenewe byose nkibiba munzu z’abaherwe(REBA AMAFOTO)

Naseeb Abdul Juma Issack umaze kwamamara mu muziki nka Diamond Platnumz, uyu mugabo w’imyaka 31 y’amavuko akomeje kugaragaza ko ari igihangange mu muziki wa Afurika.

Diamond avugako yakuze yumva azaba umuherwe nubwo yavukiye mu muryango ukennye, mu nzozi ze, uyu muhanzi yumvaga azatunga imodoka zihenze, muzo yarotaga cyane harimo iyo mu bwoko bwa Royce Rolls nayo iri muzihenze ku isi.

Diamond ni umwe mubahanzi bamaze kubaka izina rikomeye muri Afurika

Kuri ubu, Diamond yavugishije abantu benshi mu gihugu cya Tanzania, aho bari gutangarira imodoka y’agatangaza yamaze kugura.

Nkuko byatangajwe n’abantu bahafi bo mu muryango wa Diamond, harimo mushiki we, Esma na Zari, bagaragaje imodoka uyu muhanzi yamaze kwibikaho imeze neza nkisanzwe igendamo umukuru w’igihugu cya Amerika.

Diamond, ubu ni umwe mubantu batunze imodoka yo mubwoko bwa Cadillac, akaba abaye umuntu wambere utunze iyi modoka muri Tanzania.

Prince Nilan, umwana w’umuhungu wa Diamond yabyaranye na Zari, yicaye mu modoka ya Se

Iyi modoka, ntisanzwe kuko irimo ibikenewe byose nkibisanzwe biba mu nzu z’abaherwe, irimo uruganiriro, uburyamo, aho ashobora gukorera inama, aho ashobora kwicara afata icyo kunywa cyangwa kurya ndetse irimo n’insakaza mashusho zishobora kugufasha kugenda ukurikirana, ibitandukanye bibera hirya no hino ku isi.

Impaka ni nyinshi ku ngano y’amafaranga Diamond yaba yaguze iyi modoka yo mu bwoko bwa Cadillac Escalator.

Iyi modoka iri mubwoko bumwe nizigendamo Perezida wa Amerika

Akayabo ka 650,000$ niyo mafaranga avugwa n’abegereye Diamond Platnumz ko ariyo yaguzwe iyo modoka, ariko abandi babashije gukora ubushakashatsi kuri iyo modoka, bavuze ko igura make cyane ugereranyije n’ayo abo kwa Diamond bavuze.

Iyo modoka ibarirwa mu zihenze isi ifite, ikaba ishobora gukoreshwa nka Office aho umuntu ashobora gukoreramo nta kibazo kuko ifite ibikenewe byose, ikaba ibarirwa agaciro kari hagati ya 200,000$ na 350,000$.

Iyi modoka ikorwa n’uruganda rumwe nurukora itwara umukuru w’igihugu cya amerika Cadillac one, izwi cyane ku izina rya “Beats”.

Iyi modoka ifite uruganiriro naho ushobora gukurikiranira amakuru y’ibiri kubera ku isi
Irimo ibikenewe byose nkibyo mu nzu z’abaherwe

   

Tanga Igitekerezo ukoresheje Facebook

SHARE