Umuhanzi R Kelly ubuzima bwe bugiye kurangirira muri gereza, yahamwe n’ibyaha byose yashinjwaga uko ari 9, byose bishingiye ku gukoresha imibonano mpuzabitsina abana b’abakobwa n’abahungu mu gihe kirenga imyaka 20.

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Robert Sylvester Kelly wabaye icyamamare muri muzika, ubuzima bwe bushobora kurangirira muri gereza nk’uko byitezwe mu myanzuro y’urukiko izasomwa mu kwezi gutaha.

Nyuma y’urubanza rwari rumaze iminsi rushinjwamo uyu umuhanzi, inteko igizwe n’abacamanza 12 yanzuye ko R Kelly ahamwa n’ibyaha byose yashinjwaga uko ari 9, byose bishingiye ku gukoresha imibonano mpuzabitsina abana b’abakobwa n’abahungu mu gihe kirenga imyaka 20.

Robert Sylvester Kelly wabaye icyamamare muri muzika, ubuzima bwe bushobora kurangirira muri gereza nk’uko byitezwe mu myanzuro y’urukiko izasomwa mu kwezi gutaha.

Muri uru rubanza humviswe abatangabuhamya batandukanye bavuze ibihe bikomeye banyuzemo ubwo bakorerwaga ibya mfura mbi na R Kelly.

Uwitwa Stephanie yavuze ko mu 1998 yegereye R Kelly amusaba ko yamufashiriza umwe mu nshuti ze mu bijyanye n’umuziki. Ngo aho niho yahereye amufata ku ngufu ndetse anafata amashusho ari kumusambanya.

Ati “ Yaranyemereye ariko ambwira ko akeneye no kumenya, kandi ko akunda guhoberana ambaza niba ntacyo bintwaye.”

Ubushinjacyaha bwavuze ko R Kelly wari ufite imyaka 32 muri icyo gihe yasambanyije uwo Stephanie mu gihe cy’amezi umunani, amutegeka kujya amwita se kandi nta wundi mugabo yemerewe kujya areba.

Stephanie ati “Nibyo bihe bikomeye naciyemo mu buzima bwanjye, sinigeze mfatwa gutyo haba mbere cyangwa nyuma. Yantesheje agaciro, ankoza isoni, antera ubwoba sinzigera nibagirwa uko yamfataga.”

Uwitwa Sonja yahuye na R Kelly mu 2003 ubwo yari ari kwimenyereza umwuga w’itangazamakuru kuri Radio yakoreraga muri Utah.

Yagiye gukorana ikiganiro na R Kelly iwe mu rugo hafi y’umujyi wa Chicago.

Icyo gihe yaramukingiranye amumarana iminsi, amuha ibiyobyabwenge ndetse anamusambanya.

Icyo gihe yari afite urutonde rw’amategeko agomba kubahiriza harimo kurya no kujya mu bwiherero abanje gusaba uruhushya.

Undi ni uwitwa Jerhonda yavuze ko yari umufana w’uyu muhanzi amubeshya ko afite imyaka 16 nyamara yari afite 13.

Ngo bakomeje kuba inshuti bigera aho baryamana. Uretse kuba yaramusambanyije ngo R Kelly yaramukubitaga, acamucira mu maso n’ibindi bikorwa byo kumutesha agaciro.

Uwitwa Faith yavuze ko yahuye na R.Kelly mu 2017 bahana nomero za telefone, batangira kuganira bigera aho bajya babonana bakaryamana, agafata amashusho akoresheje telefone.

Uyu mukobwa avuga ko yababajwe cyane n’uko uyu mugabo yamwanduje n’indwara zandurira mu mibonano mpuzabitsina.

R Kelly ubuzima bwe bugiye kurangirira muri gereza, yahamwe n’ibyaha byose yashinjwaga uko ari 9, byose bishingiye ku gukoresha imibonano mpuzabitsina abana b’abakobwa n’abahungu mu gihe kirenga imyaka 20.

Mu 2015 uwitwa Zel yari afite imyaka 17, yahuriye na R Kelly mu iserukiramuco amusaba ko yamufasha mu bijyanye na muzika, gusa yari yamubwiye ko afite imyaka 18.

Aho kumuha ubufasha yari amukeneyeho, ngo R Kelly yatangiye kumusambanya. Ubwo yamuhishuriraga ko atari yuzuza imyaka y’ubukure ngo yamukubise inshyi.

Uyu mukobwa kandi ashinja R Kelly kuba yaramwanduje indwara zandurira mu mibonano mpuzabitsina ndetse akamutegeka gukuramo inda.

Tariki 4 Ukwakira 2021 nibwo hazasomwa imyanzuro y’urukiko. Uyu muhanzi ashobora gufungwa burundu bitewe n’uburemere bw’ibyaha yakoze.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE