Umukinnyi wo hagati Bertrand Iradukunda yakuwe mubari bugaragare mu mukino u Rwanda rusabwamo gutsinda Togo kuri uyu wa kabiri.

Mugihe ikipe y’igihugu Amavubi asabwa gutsinda Togo ngo rubashe kujya muri ¼ cya Shampiyona nyafurika ihuza abakinnyi bakina mugihugu imbere (CHAN 2020) iri kubera muri Cameroun, umukinnyi Bertrand Iradukunda ukina hagati yakuwe mubari bugaragare mu kibuga kubera imvune.

Iradukunda Bertrand afite imvune itari butume agaragara mu kibuga ku mukino uhuza Amavubi na Togo.

Umutoza Mashami Vincent ubwo yaganiraga n’itangazamakuru , yemeje ko Iradukunda Bertrand afite imvune yagize ubwo yagonganaga na Rutanga Eric Ati “Ntabwo nakubwira ngo ubu ameze neza kuko aracyakurikiranwa n’abaganga, haracyari kare ho kuvuga ngo ameze neza 100%, byose birashoboka. N’ejo ashobora kuba yaraye ari muzima, akabyuka yarwaye umutwe cyangwa yarwaye mu nda.”

“Ku kugongana kwabayeho, yarababaye, ariko abaganga baracyakurikirana, ngira ngo amasaha dusigaranye azaba yaduhaye igisubizo nyacyo kugira ngo turebe ko twazamukoresha cyangwa bitazashoboka.”

Gusa, amakuru dukesha bamwe mu bari mu Ikipe y’Igihugu, ni uko Iradukunda Bertrand atazakina umukino wa Togo kubera iyo mvune ndetse agomba kunyuzwa mu cyuma hagasuzumwa uburemere bwayo.

Iradukunda Betrand yari yabanje mu kibuga ku mukino wa Uganda, akina iminota 74 mbere yo gusimburwa na Manishimwe Djabel mu gihe ku mukino wa Maroc yakinnye iminota 33 ya nyuma asimbuye Sugira Ernest.

Kuba atazakina uyu mukino, yiyongereye kuri Nsabimana Eric utarakinnye umukino wa Maroc kubera imvune yagiriye ku mukino wa mbere u Rwanda rwanganyijemo na Uganda mu minsi irindwi ishize.

Ikipe y’Igihugu iri ku mwanya wa gatatu n’amanota abiri, inyuma ya Maroc ifite amanota ane na Togo ifite atatu mu gihe Uganda ifite inota rimwe ku mwanya wa nyuma.

                                    Iradukunda Bertrand yarimo acenga umunya Maroc.
Kumukino w’u Rwanda na Uganda yari yabanje mu kibuga.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE