Umukobwa wa jenerali ,Brenda Nantongo wapfuye ku myaka 32 yitegura gukora ubukwe yashyinguwe yambaye ikanzu y’abageni(Amafoto)

Umukobwa wa Gen Katumba Edward Wamala, Brenda Nantongo Wamala yashyinguwe yambaye ikanzu y’ubukwe ahitwa Kikwanda, ugana Mukono muri Uganda.

Brenda yishwe ubwo abantu bataramenyekana bamishaga urufaya rw’amasasu 56 ku modoka yari itwaye Se waje kurusimbuka naho umushoferi wari ubatwaye, Kayondo Haruna, n’uyu mukobwa barahagwa.

Brenda Nantongo Wamala yishwe n’amasasu yarashwe ku modoka yarikumwe na Se

Nyina w’uyu mukobwa, Christine Katumba kuwa Gatatu yari yarangaje ko ibi byakozwe kubera ko uyu mukobwa yateganyaga ubukwe mu minsi ya vuba. Ngo ” Ni ibintu twajyaga tuvugaho mu biganiro byacu.”

Uyu mubyeyi avuga ko bari bazi neza imyambaro Brenda w’imyaka 32 akunda bityo ko ” Ari ngombwa ko yambara ikanzu n’ubwo yapfuye nk’ibyishimo bye bya nyuma.”

Umukobwa wa Gen Katumba Edward Wamala, Brenda Nantongo Wamala yashyinguwe yambaye ikanzu y’ubukwe

Ibyo kuba uyu mukobwa yiteguraga gushaka byemezwa nanone n’abandi bavukana, Belinda Katumba na Julius Katumba nk’uko Daily Monitor ibitangaza.

Uyu mukobwa yakundaga kuba ari kumwe na Se mu birori bitandukanye, bivugwako yari avuye gusoza musters muri Amerika

Tanga Igitekerezo ukoresheje Facebook

SHARE