Umunya-Cameroun Samuel Eto’o yagizwe ambasaderi w’icyubahiro muri Tchad

Akanama ka gisirikare kayoboye Tchad kanzuye ko Samuel Eto’o wabaye icyamamare mu mupira w’amaguru ku Isi aba ambasaderi w’icyubahiro.

Iteka riha uwo mwanya Samuel Eto’o ryasohotse kuri uyu wa 22 Gicurasi, risinyweho na Mahamat Idriss Deby uyoboye akanama ka gisirikare.

Umunya-Cameroun Samuel Eto’o yagizwe ambasaderi w’icyubahiro muri Tchad

Mahamat yashimangiye icyemezo cyari cyarafashwe na se Idriss Deby Itno mu Ukwakira 2020 kuko aribwo yari yagennye Samuel Eto’o nka Ambasaderi w’icyubahiro.

Icyo gihe byakozwe hashize iminsi mike Samuel Eto’o asuye Deby baganira ku bufatanye mu iterambere rya siporo muri Tchad.

Ambasaderi w’icyubahiro ni umwanya ukunze gutangwa na za Guverinoma ku bantu runaka akenshi b’ibyamamare cyangwa bavuga rikijyana mu bintu runaka, hagamijwe kubiteza imbere cyangwa kubimenyekanisha.

Ambasaderi w’icyubahiro ni umwanya ukunze gutangwa na za Guverinoma ku bantu runaka akenshi b’ibyamamare

Si imyanya y’abadipolomate nka bamwe basanzwe kuko bo nta hantu runaka uwahawe iyo nyito aba ahagarariye igihugu, icyakora ashobora kubikoresha ashakisha nk’inkunga zo guteza imbere ibikorwa bitandukanye cyangwa gufasha bigendanye n’abamuhaye iyo nyito.

Samuel Eto’o w’imyaka 40 ni umunya-Cameroun wakanyujijeho mu mupira w’amaguru. Yabaye umukinnyi w’umwaka muri Afurika inshuro enye, ni ukuvuga mu 2003, 2004, 2005 na 2010. Yakiniye amakipe akomeye mu Burayi nka FC Barcelone, Intel Milan, Real Madrid, Chelsea n’andi.

Samuel Eto’o w’imyaka 40 ni umunya-Cameroun wakanyujijeho mu mupira w’amaguru. Yabaye umukinnyi w’umwaka muri Afurika inshuro enye

Tanga Igitekerezo ukoresheje Facebook

SHARE