Umunyezamu Kimenyi Yves yashinze Salon de coiffure iri muzigezweho i Kigali(Amafoto)

Umunyezamu w’Ikipe y’Igihugu ‘Amavubi’ na Kiyovu Sports, Kimenyi Yves, yashinze inzu yogosherwamo imisatsi izwi nka ‘Salon de coiffure’.

Kimenyi Yves aherutse guhindura ikipe, aho yasinyiye Kiyovu Sports muri iyi mpeshyi, avuye muri Rayon Sports.

Uyu munyezamu yashinze Salon de coiffure yise ’KA Clipperz’, iherereye i Gikondo ahazwi nka Sgeem mu Karere ka Kicukiro.

Kimenyi yiyogoshereza muri Saloon ye

Kimenyi Yves avuga ko yahereye kuri salon y’abagabo ariko mu minsi iri imbere ashobora gushinga n’iy’abagore.

Ati “Hari abantu bagiye bambwira ngo washaka ikindi wakora, hari nka bane cyangwa batanu bahurije kuri iki kintu [cyo gushinga salon]. Urabikora ukareba ko wakunguka.”

“Banteye imbaraga, barambwira ngo wabishobora, ndicara ndabitekereza, mbona byari bikwiye.”

Umunyezamu mushya wa Kiyovu Sports yakomeje avuga ko yari asanzwe afite inzozi zo kwinjira mu bushabitsi butandukanye gusa atatekerezaga gushinga salon de coiffure.

Kimenyi Yves umaze imyaka ine ari mu banyezamu bakomeye mu Rwanda, yitwaye neza mu mpera za shampiyona ya 2016/17 ndetse agaragaza ubushobozi bwe mu mikino y’Igikombe cy’Amahoro mu 2017 kugeza ku mukino wa nyuma ari mu izamu ubwo APR FC yakiniraga yegukanaga iri rushanwa itsinze Espoir FC igitego 1-0.

Yatangiye kwifashishwa mu Ikipe y’Igihugu Amavubi mu mpera za 2017, ahamagarwa mu mikino itandukanye irimo CECAFA y’ibihugu, CHAN 2018 ndetse n’imikino y’ikipe nkuru mu gushaka itike ya CAN 2019, aho yabanje mu izamu mu mikino ine muri itandatu Amavubi yakinnye.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE