Umutoza w’Ikipe y’Igihugu ‘Amavubi’, Mashami Vincent,yavuze ko gusezera byaba ari ubugwari kuko atari we mutoza wa mbere utsindwa.

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Umutoza w’Ikipe y’Igihugu ‘Amavubi’, Mashami Vincent, wakunze gusabirwa kwirukanwa kenshi n’Abanyarwanda bakunda umupira w’amaguru, yavuze ko gusezera byaba ari ubugwari kuko atari we mutoza wa mbere utsindwa.

Mashami atoza Amavubi kuva mu mpeshyi ya 2018 ndetse kuva icyo gihe amaze kongererwa amasezerano inshuro eshatu.

Umutoza w’Ikipe y’Igihugu ‘Amavubi’, Mashami Vincent,yavuze ko gusezera byaba ari ubugwari kuko atari we mutoza wa mbere utsindwa.

Gusa, uyu mutoza akunze gusabirwa kwirukanwa bitewe n’umusaruro mubi Ikipe y’Igihugu igaragaza mu marushanwa atandukanye harimo no kuba nko mu mikino iheruka yo gushaka itike y’Igikombe cy’Isi cya 2022, Amavubi yasoje imikino itandatu yo mu Itsinda E afite inota rimwe kuri 18.

Mu kiganiro yagiranye na Televiziyo y’Igihugu ku wa Gatatu, Mashami Vincent yavuze ko adashobora gusezera mu Ikipe y’Igihugu kuko byaba ari ubugwari, gusa yemeza ko icyemezo cyo gutandukana na yo kizafatwa n’ababishinzwe ubwo amasezerano azaba arangiye muri Gashyantare 2022.

Ati “Ibyo birashoboka [gutandukana n’Amavubi amasezerano arangiye], icyo ntakora njye ni ugusezera kuko waba ubaye ikigwari, ugomba guhagararana n’abakinnyi kuko mwese muba mwifuza ibyiza. Nanjye kugeza igihe bizarangirira, abafata icyemezo bazagifata kuko kwegura bwaba ari ubugwari bukomeye cyane. Amavubi si yo ya mbere atsinzwe, si njye mutoza wa mbere utsinzwe.”

Yakomeje agira ati “Nta muntu wifuza guhora avugwa kandi uvugwaho ibibi gusa. Rimwe na rimwe hari igihe ushobora kugira ibyo bitekerezo, ni byo, ukibaza impamvu ariko na none wamara gutuza ukareba impamvu ukumva akazi ni uko gateye, ni byo kagusaba. Kubivamo si cyo gisubizo.”

Uyu mutoza yavuze ko byose bishoboka ko yava mu Ikipe y’Igihugu agasubira gutoza amakipe kuko na mbere yabikoze ubwo yatozaga amakipe arimo APR FC na Bugesera FC.

Ati “Byose birashoboka kuko na mbere y’uko nza mu Ikipe y’Igihugu nabaye muri ‘club’, nsubirayo, ndongera ngaruka mu Ikipe y’Igihugu. Umupira ni uko umeze, ntabwo wavuga ngo hano nahubatse inzu ni ho nzatura ubuzima bwanjye bwose kuko nanjye aha nicaye hari benshi bahaciye, hari na benshi bazaza.”

Muri iki kiganiro cyari kigamije gutangaza abakinnyi b’Ikipe y’Igihugu izakina imikino ibiri ya gicuti na Guinée, Mashami yatangaje ko mu mwiherero abatoza b’Amavubi baherukaga kugirana na Minisiteri ya Siporo ndetse na FERWAFA, hemejwe ko hari byinshi byakosorwa kugira ngo umusaruro w’Amavubi uhinduke.

Ikipe y’Igihugu izatangira imyitozo ku wa Gatandatu, izakina na Guinée imikino ibiri ya gicuti izabera kuri Stade Amahoro tariki ya 3 n’iya 6 Mutarama 2022.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO