Urwego rw’igihugu rw’ubugenzacyaha RIB rwataye muri yombi abantu 6 harimo n’abanyamakuru bari bahuruje abaturage bagiye kubaha ibyo kurya

Urwego rw’igihugu rw’ubugenzacyaha RIB rwatangaje ko kuri uyu 8 Mata 2020 rwataye muri yombi abantu batandatu bahuriye mu itsinda ryiyise ABAHUJUMUTIMA barimo abanyamakuru babiri ba Afrimax tv.

Bafatiwe mu mudugudu wa Kangondo II, Akagari ka Nyarutarama,Umurenge wa Remera Akarere ka Gasabo. RIB mu butumwa yashyize kuri twitter yavuze ko bafashwe bahuruje abaturage ngo babahe ibyo kurya byo kubafasha nta buyobozi bw’ibanze bwabimenyeshejwe ndetse hatitawe no kumabwiriza yo kwirinda kwandura icyorezo cya COVID 19.

Umuvugizi wa RIB Marie Michelle Umuhoza yatangarije Ukwezi ko abanyamakuru batawe muri yombi ari Byiringiro David na Innocent Valentin Muhirwa.

RIB yongeye kwibutsa abaturarwanda ko amabwiriza yatanzwe mu rwego rwo kurinda ikwirakwizwa ry’icyorezo cya COVID-19 agomba kubahirizwa na buri wese kandi ko itazihanganira uwo ariwe wese uzashyira abaturage mu kaga anyuranya n’ayo mabwiriza.

Abafashwe bafungiye kuri stasiyo ya RIB ya Remera mu gihe iperereza rigikomeje.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE