Zambia: “Single” indirimbo nshya ya Provis Bruce ihanura abakobwa bakunda kubenga. Yirebe hano

Provis Bruce n’umuhanzi Nyarwanda utuye mu gihugu cya Zambia aho anakorera ibikorwa bya muzika,yinjiye mu ruhando rwa Muzika mu mwaka wa 2011. Kur’uyu wa Kane taliki ya 19 ukuboza 2019 yashyize hanze indirimbo yise “Single” igaruka ku nkuru yo guhanura abari bakunda kubenga .

“Single” ni indirimbo nshya Provis Bruce yashyize hanze yatunganyijwe mu buryo bw’amajwi na Producer Silent Eraser, amashusho yayo akorwa na Ert&K-Blaze bo muri Zambia ikubiyemo inkuru ivuga ku mukobwa witwa “Roza” wabenze abasore benshi abaziza ko ari abakene ababwira ko batareshya ko ategereje abanya Burayi nyuma birangira abuze byose asazira ku ishyiga.

Iyi ndirimbo “Single” Provis Bruce yavuze ko hari ubutumwa bwihariye yashakaga guha abakobwa

“Nashakaga gutanga ubutumwa cyane ku bakobwa bakunda kubenga abasore babaziza ubushobozi bucye,mbereka ko nibidahinduka bazajya bisanga basaziye iwabo ntawukibabaza n’akazina. Ibibi biraba cyane 60% byibyo naririmbye biraba kandi henshi cyane”

Provis ati ” Roza umwana wi Kigali yabenze abasore 5 ngo arashaka umushoramali ngo arashaka abanyaburayi “

Provis Bruce avuga ko iyi ndirimbo iri muzamugoye cyane nko mw’ifatwa ry’amashusho yayo

“Gukora iyi Videwo naba Directors batumva ikinyarwanda byarangoye cyane ,ikindi uriya mukobwa wagaragaye muri Acting byaramugoye cyane kubera atumva ikinyarwanda. Gusa kubera ubunararibonye ibintu twabikoze neza cyane”

Nk’umuhanzi ahamya ko iyi ndirimbo hari benshi ubutumwa buyirimo buzafasha ,by’umwihariko abakobwa bakunda ubutunzi , abashishikariza kugira urukundo nyarwo rudashingiye ku bintu kuko ibintu ari ibishakwa.

Provis Bruce ukunda kwiyita “Umwana ukora nka se “

Provis Bruce utarafatisha bihambaye mu ruhando rwa muzika muri Zambia avuga ko hari byinshi bikimugora ariko afite inzozi zo kuzagafata byanga bikunda

“ Ubu hano muri Zambia baranyumva cyane kuko nkorana n’abahanzi baho ariko hari ibikibura nko gukora nta Manager,gukorera muzika mu gihugu kitari icyawe nabyo ntibyoroshye, mpura n’inzitizi nyinshi gusa byange bikunde nzagafata ndabyizeye” Provis Bruce

Kuri Provis Bruce umwaka wa 2019 usa nutaragenze neza mu muziki we bitewe n’idindira ry’imishinga imwe n’imwe biturutse ku bushobozi gusa ngo muri 2020 afite gahunda yo kugeza muzika ye ku rundi rwego  aho ateganya kuzakorana n’Abahanzi bamaze kubaka izina mu Rwanda,Zambia ndetse no muri Tanzaniya.

Mu kiganiro na Ibyamamare yasoje yifuriza abakunzi ba Muzika ye umwaka mushya muhire wa 2020 ndetse n’Abanyarwanda muri rusange abasaba kuzamuba hafi muri 2020 anabasaba kugeza kure iyi ndirimbo ye “Single”

Kanda hano urebe amashusho ya Single by Provis Bruce

Tanga Igitekerezo ukoresheje Facebook

SHARE