AS Kigali yegukanye igikombe cya FERWAFA Super Cup itsinze Rayon Sports kuri penariti (Amafoto)

TWOZA INTEBE, MATELA N'AMATAPI (Duhamagare cg Utwandikire kuri  0789348058 (Wats app) cg 0784343748 (Call) ============

Ikipe y’abanyamujyi AS Kigali yegukanye igikombe kiruta ibindi mu mupira w’amaguru mu Rwanda cya FERWAFA Super Cup 2019, itsinze Rayon Sports kuri penariti 3-1.

Kuri uyu wa Kabiri nibwo hakinwe umukino wo guhatanira igikombe cya Super Cup, wahuje ikipe ya Rayon Sport yatwe igikombe cya shampiyona na AS Kigali yatwaye igikombe cy’Amahoro.

Muri uyu mukino wabereye kuri stade Amahoro i Remera, ikipe ya Rayon Sports niyo yafunguye amazamu ku munota wa 29 ku gitego myugariro Bishira Latif wa AS Kigali yitsinze.

Nyuma y’umunota umwe gusa Ssentongo Faruk yahise abonera AS Kigali igitego cyo kunganya cyaturutse ku mupira mwiza yari ahawe na mugenzi we Saidi maze awuterera hanze y’urubuga rw’amahina.

Ikipe ya AS Kigali yakomeje kwiharira umukino maze ku munota wa 36 Rick Mba Martel azakuyitsindira igitego cya kabiri cyaturutse kuri koruneri yari itewe na kapiteni we Haruna Niyonzima. Igice cya mbere cyarangiye ikipe y’Abanyamujyi ariyo iyoboye n’ibitego 2 kuri 1 cya Rayon Sports.

Mu gice cya kabiri Rayon Sports yatangiranye imbaraga nyinshi ishaka kwishyura ariko ntibyagira icyo bitanga.

Iminota 90 y’umukino yaje kurangira ntakirahinduka maze umusifuzi wo ku ruhande yongeraho iminota 6. Habura amasegonda ngo umukino urangire kapiteni wa Rayon Sports, Rutanga Eric yaje kuyitsindira igitego cyo kunganya umukino uhita urangira amakipe yombi anganyije 2 kuri 2 hitabazwa penariti.

Sarpong na Yannick Bizimana ba Rayon Sport penariti baziteye mu maboko y’umuzamu Bakame wa AS Kigali mugihe Mugisha Gilbert we yayiteye yejuru yizamu. Ku ruhande rwa AS Kigali, Benedata Janvier niwe wayitaye mu maboko y’umuzamu Kimenya Yves.

Iki gikombe kiruta ibindi mu Rwanda ugitwaye ahabwa miliyoni 5 z’amafaranga y’u Rwanda. Ikipe ya AS Kigali yaherukaga kucyegukana mu 2014 icyo gihe nabwo bakaba baratsinze Rayon Sports, mu gihe Gikundiro yo yagiherukaga muri 2017 ubwo yatsindaga APR FC.

Igikombe bahataniraga gifite agaciro ka miliyoni 5.

11 ba AS Kigali babanje mu kibuga.
11 ba Rayon Sports babanje mu kibuga.

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE