Manchester City yegukanye Igikombe cya Shampiyona.

UKENEYE KWAMAMAZA IBIKORWA BYAWE KU KINYAMAKURU CYACU NO KUMBUGA NKORANYAMBAGA DUKORESHA TWANDIKIRE KURI 0788441488 ============

Manchester City yegukanye Igikombe cya Shampiyona y’Icyiciro cya Mbere mu Bwongereza, Premier League, ku nshuro ya munani, ikaba iya kane mu myaka itanu iheruka, nyuma yo gutsinda Aston Villa ibitego 3-2 ku Munsi wa 38 ari na wo wa nyuma wakinwe kuri iki Cyumweru.

Mbere y’uko imikino yose itangirira rimwe saa Kumi n’imwe, Manchester City yasabwaga gutsinda kugira ngo yizere gutwara Igikombe cya Premier League yari ihanganiye na Liverpool yarushaga inota rimwe.

Manchester City yegukanye Igikombe cya Shampiyona

Benshi bibwiraga ko Liverpool ivuye ku gikombe ubwo Pedro Neto yatsindiraga Wolves mu minota itatu ya mbere, ariko Sadio Mané yishyura ku munota wa 24.

Ku rundi ruhande, byageze ku munota wa 70 Manchester City yamaze kwinjizwa ibitego bibiri na Aston Villa, byatsinzwe na Matty Cash ndetse na Philippe Coutinho.

Iminota 20 ya nyuma ni yo yabaye itandukaniro kuri ibi bibuga byombi byari bihanzwe amaso, aho Manchester City yagize amanota 93 nyuma yo gutsinda ibitego 3-2.

Ibitego bitatu by’iyi kipe itozwa na Pep Guardiola byinjiye mu minota itanu gusa, byinjijwe na Ilkay Gundogan 76’, Rodri 78’ na Ilkay Gundogan ku munota wa 81.

Byari ibyishimo bidasanzwe kuri Etihad Stadium aho ibihumbi by’abafana bamanutse mu kibuga kwishimira Igikombe cya Shampiyona begukanye ku nshuro ya munani, ikaba iya gatandatu kuva mu 2012.

Kwa Aston Villa, Liverpool yatsindiwe ibindi bitego na Mohamed Salah na Andy Robertson mu minota itandatu ya nyuma, ariko iyi ntsinzi ya 3-1 ntacyo yayimariye kuko yagize amanota 92 ku mwanya wa kabiri.

Chelsea yasoreje ku mwanya wa gatatu n’amanota 74 nyuma yo gutsinda Watford ibitego 2-1 naho Tottenham iba iya kane n’amanota 71 nyuma yo kunyagira Norwich City ibitego 5-0.

Arsenal yabaye iya gatanu n’amanota 69 nubwo yari yanyagiye Everton ibitego 5-1 mu gihe Manchester United yasoreje ku mwanya wa gatandatu n’amanota 58 nyuma yo gutsindwa na Crystal Palace igitego 1-0.

Amakipe ane ya mbere azakina UEFA Champions League, Arsenal na Manchester United zikine Europa League mu gihe West Ham ya karindwi izakina amajonjora ya Europa Conference League.

Amakipe atatu yamanutse mu Cyiciro cya Kabiri, Championship, ni Burnley, Watford na Norwich City.

Ibitego bitatu by’iyi kipe itozwa na Pep Guardiola byinjiye mu minota itanu gusa

Uko amakipe yatsindanye ku munsi wa nyuma, wa 38, wa Premier League

Arsenal 5-1 Everton
Brentford 1-2 Leeds United
Brighton 3-1 West Ham
Burnley 1-2 Newcastle
Chelsea 2-1 Watford
Crystal Palace 1-0 Manchester United
Leicester City 4-1 Southampton
Liverpool 3-1 Wolves
Manchester City 3-2 Aston Villa
Norwich City 0-5 Tottenham

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE

IGITEKEREZO