Menya amakosa akomeye ukwiye kwirinda murukundo niba ushaka kuryoherwa narwo.

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

Mu rukundo bitewe n’ubumenyi ,uburambe buke ,abantu bamwe na bamwe usanga bakora amakosa akomeye batabizi. Niba ukunze umuntu buhumyi ntushyiremo ubwenge, ushobora kuzisanga mu rwobo utazapfa kwivanamo ubitewe no gukora amakosa nyamara wowe uziko uri mu nzira nziza.

Aya ni amakosa urubuga rwandika ku mibanire, Elcrema rugusaba ko ugomba kwirinda hakiri kare mu rukundo rwawe rwa buri munsi:

1.Gufata umukunzi wawe nk’ikigirwamana

Yego uramukunda ariko nanone kumuha ubuzima bwawe byose sibyo. Si umugore/umugabo wawe. Ni umukunzi wawe kandi mushobora isaha iyo ariyo yose kugirana ikibazo bikaba byaba ngombwa mugatandukana. Urakeka ko byakugendekera gute mutandukanye? Wumva ari ryo herezo ryawe kuko wamufashe nk’ikigirwamana ndetse ukumva wava ku isi. Mukunde ariko mu buryo burimo ubwenge. Wimukunda buhumyi. Ejo byahinduka, gira amakenga.

2.Kumarana igihe cyose

Ibi bijya gusa ni ingingo ibanza. Niba umukunzi wawe umurutisha akazi uri mu buyobe. Akazi niko kagufasha kubaho ubuzima bwa buri munsi. Niko kaguha agaciro mu bandi. Mukunde ariko mugihe gikwiriye. Urukundo umukunda ntirugomba kubangamira ibindi.Tugumye kurugero rw’akazi,numuha uyu mwanya urenze ukenewe, ndetse no kukazi bikakuviramo kwirukanwa, nyuma mukaba mwatandukana wabigenza ute? Kora ikintu mugihe cyacyo. Wikwihunza umuryango, inshuti n’abavandimwe ngo ni uko wabonye umukobwa cyangwa umuhungu musigaye mukundana wumva wimariyemo, ejo atazakwanga cyangwa ukabona impamvu ituma mutandukana ukabura byose.

3.Gukoresha amafaranga y’umurengera

Abahungu nibo bakunze kugwa muri uyu mutego cyangwa ikosa. Gukunda umukobwa ntibivuze kwirarira no gusesagura. Kumumariraho ibyawe byose sibyo bituma agukunda cyane. Uko ukomeza kumuha no kumuteretesha amafaranga, ageraho akakubona nk’ikigega cyangwa umuterankunga we azajya avomaho aho kukubona nk’umukunzi we. Ese ko ntabikwifurije ,akwanze ayo mafaranga,izo telefoni zihenze cyane …wamutayeho bizagaruka? Ntuzasigara se nta n’urwara ufite rwo kwishima?

4.Kurengera

Kwirirwa umwandikira ,umuhamagara n’ibindi nkabyo ukarenza urugero sibyiza. Uzatuma akurambirwa. Genera umwanya buri kintu. Kora imirimo ya buri munsi ikureba. Wikunda ngo urengere ukore n’ibidakorwa. Ibintu iyo bikozwe ku rugero rwo hejuru bigira isura mbi.

5.Gufuha cyane

Ndabizi ugiye kumbwira ko umuntu afuhira uwo akunda. Nibyo nanjye niko mbyemera. Navuze gufuha cyane ukarenza urugero. Nubigira gutya, uziyangiriza ubwonko ute umurongo w’ubuzima mbese muri make umutima wawe ujye uhora uhagaze. Mugirire icyizere na we azakigenderaho. Numufuhira bikabije ejo akaguhemukira, n’abandi bose muzakundana uzajya uhora wumva nta cyizere wabagirira ubihirwe n’urukundo aho kurwishimiramo.

6.Gukora imibonano mpuzabitsina inshuro nyinshi

Abakobwa nibo bakunda kwishuka ko gukorana imibonano mpuzabitsina kenshi ni umuhungu ariko kumugaragariza urukundo. Uribeshya mukobwa mwiza. Uko umuhata igitsina niko azagufata nk’igikoresho yifashisha mu kwishimisha,akubonemo biri hanze, ..nyuma bizarangira agiye kubana akaramata n’abandi bakobwa bafite umutima. Uzisanga warabaswe no gukora imibonano mpuzabitsina nta gitangira kandi wari uziko uri kubikorera urukundo. Iherezo ryawe ni irihe? Uzubaka rukomere?

Kugisha inama mu rukundo kuri uru rubuga, wohereza ubutumwa bwawe bukubiyemo ikibazo kuri [email protected] Umwirondoro wawe ugirwa ibanga 100%.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO