Menya ibyagufasha kuryoherwa n’urukundo nuwo mutangiye inzira ibaganisha kubana akaramata.

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

Mu rukundo, biba bikenewe ko abantu bakundana bamarana igihe runaka bari kumwe, aho abatarashakanye bagikoresha mu rwego rwo kumenyana kurushaho mu gihe abashakanye, bashobora kuba batabona umwanya uhagihe wo kumarana igihe kubera akazi n’izindi mpamvu, bagikoresha mu rwego rwo gushimangira umuryango wabo.

Mu mvugo zigezweho, ibi bizwi nko kujya kuri ‘date.’ Hari benshi bafata gusohokana n’umukunzi wawe nko kujya muri restaurant cyangwa muri hoteli runaka mugafata amafunguro adasanzwe n’ibindi nk’ibyo, icyakora ibi ni ukwibeshya kuko hari uburyo bwinshi bwo kujya kuri ’date’ cyangwa kuyikorana, kuko ishobora no kubera aho muri.

Bumwe mu buryo wateguramo ‘date’ n’umukunzi wawe kandi mukishimana.

Gutemberera kure

Abantu hafi ya bose ku Isi, bakunda kujya ahantu kure batari bazi, bagatembera. Icyakora usanga benshi babyitiranya, ugasanga bikozwe gusa mu matsinda y’abantu benshi, wenda ukaba wajyana n’umuryango wawe gusura pariki runaka ariko ukumva atari ngombwa kujyana n’umukunzi wawe.

Ibi ni ukwibeshya kuko gutembera bishobora no gukorwa uri kumwe n’umukunzi wawe, kandi buri gihe ntibisaba ko mujya ahantu hahenze cyangwa hafi y’aho muri, mushobora no kujya mu cyaro n’ahandi kure kandi mukagira ibihe byiza.

Mushobora kandi gukoresha uyu mwanya mugenda n’amaguru nko mu gihe cy’ijoro, ibi bikaba byiza cyane nk’iyo mufite umushinga muhuriyeho cyangwa indi ngingo ikomeye mwifuza kuganiraho. Mu gihe wifuza guha umukunzi wawe igitekerezo gikomeye, cyaba ikireba umwe muri mwe cyangwa kibareba mwembi, uburyo nk’ubu bwo gutembera ni ingenzi cyane.

Guteka no gusangira amafunguro

Ntabwo gusohoka buri gihe bivuze ko muva aho muri mukajya ahandi. Umwe ashobora gutumira mugenzi we mu rugo mukaba mwategura amafunguro muri kumwe, mwarangiza mukayasangira muri kumwe, kandi iki ni ikintu cyarushaho gutuma ubumwe bwanyu bwiyongera.

Mu gihe cyo gufungura, mushobora gushyiraho umwihariko nk’imitako n’ibindi bituma ahantu mwicaye haba hasa neza, wenda bitandukanye n’uko hari hasanzwe hameze. Ikindi ni uko mushobora kumva indirimbo muzi ko mukunda, mbega mugakora ibishoboka byose bigasa nk’aho aho muri hahindutse.

Ibi bituma muhakunda mwembi, mukajya muhora mwifuza kuhaba aho kujyana muri restaurant buri gihe, ibishobora no kuba bihenze kurusha kumarana ibihe muri kumwe. Ikindi gikomeye giterwa n’uburyo buryo bwo gusohokana ni uko murushaho kugira ibitekerezo byisumbuye by’ikintu mwazakorana ubutaha, wenda kijyanye n’uburyo bushya bwo gushyiraho imitako n’ibindi nk’ibyo, bityo mukajya muhorana mwishimanye kandi mutewe amatsiko n’uko ubutaha ibintu bizaba bimeze.

Gerageza restaurant nshya

Mu gihe mwahisemo kujya muri restaurant, ni byiza ko mugerageza kujya muri restaurant nshya mutari musanzwe mujyamo, kimwe n’uko ari byiza kugerageza kurya indyo mutari musanzwe murya, mbega mukagerageza gukorana ibintu bishya ku nshuro ya mbere.

Ibi bituma ibihe mugiriye kuri ibyo bintu mwakoranye bwa mbere mudapfa kubyibagirwa. Nk’urugero, muramutse mugiye muri restaurant y’Abahinde mukarya ibiryo birimo urusenda rwinshi bikabananira, icyo gihe mushobora kuzajya mukoresha urwo rugero mu rwego rwo kwibukiranya ibyo bihe mwagiranye.

Nibyo ko kugerageza ibintu bishya bishobora kugenda nabi, ariko buri gihe mukwiriye kwiga gukoresha ibyo bihe nk’uburyo bwo kubashimisha no kubasetsa, aho guterwa ipfunwe n’ibitaragenze neza. Uko murushaho gukorana ibintu bishya bibatinyura, ni nako murushaho gutinyukana namwe, bityo mukarushaho kubwizanya ukuri no gukundana kurushaho.

Kwiga ibintu bishya muri kumwe

Hari igihe ushobora kuba wifuza kujya ukoresha weekend yawe mu kwiga ikintu gishya, nk’urugero wenda ushaka kwiga gucuranga piano cyangwa gutwara imodoka, n’ibindi nk’ibyo.

Mu gihe bishoboka, biba byiza kubyiga uri kumwe n’umukunzi wawe. Nubwo umwe yaba abifiteho ubumenyi, kuba aho mugenzi wawe ari kwigira ni ikintu cyiza, kandi mushobora kubishyira mu rwego rwa ‘dates.’

Uretse kwiga ibijyanye n’umwuga, mushobora no kwigira hamwe ibindi bintu bitandukanye. Nk’urugero, mwese niba mukunda ibyegeranyo bivuga ku nyamaswa, mushobora gufata ijoro rimwe mukabyigira hamwe.

Ubu buryo kandi mushobora kubukoresha mu kwiga ikintu udasanzwe ufiteho ubumenyi, ugafatirana amahirwe y’uko umukunzi wawe ashobora kuba acyumva neza bityo ukamukoresha mu kwihugura, yaba mu bijyanye n’umwuga, ubumenyi runaka n’ibindi.

Ibi bisaba ko buri wese ahora yiteguye kwiga, kandi ibi nabyo bisaba ubwitange. Hari nk’igihe umukunzi wawe ashobora kuba akunda ubumenyi mu bijyanye n’isanzure. Ni byiza ko wagenda ukoresha umwanya mumarana mu kwiga ibisa nk’ibyo.

Ibi kandi binatuma buri gihe mubona ibyo muganiraho bibashimisha, bityo mukajya mukumburana kurushaho kandi ntimurambirane, ari nabyo bituma urukundo rwanyu rurushaho gusagamba.

Gukina imikino muri kumwe

Uretse kuba gukina bituma mukora siporo, binatuma murushaho kugira ubumwe kuko uwo mukinanye munarushaho kwiyumvanamo. Uretse imikino isanzwe, mushobora no gukina imikino yo kuri internet, mukaba mwareba filime muri kumwe n’ibindi nk’ibyo bibashimisha.

Gufata umwanya mugakorera ahantu hamwe

Hari igihe usanga mufite akazi gashobora gutuma munagakorera mu rugo. Biba byiza ko mu gihe bishoboka, mwafata umwanya mukamarana igihe mukorana, aho buri wese aba akora akazi ke ariko muri kumwe. Ibi kandi byanakorwa mu gihe byabera mu biro by’umwe muri mwe, ariko bikaba bitagira ingaruka ku kazi cyangwa ngo bigire uwo bibangamira muri mwe n’abo mukorana.

Mu gihe bishoboka kandi, ni ngombwa gufasha umukunzi wawe mu kazi. Bitewe n’uko akazi ari ikintu gishobora gutera umuhangayiko, kandi kakaba ikintu cy’ingenzi cyane mu buzima, gufasha umukunzi wawe kuzuza inshingano z’akazi ke ni ikintu cyiza cyane.

Ibi birushaho kumwereka ko umushyigikiye no mu bintu bifite umumaro nk’akazi, bityo ko no mu yindi mishinga imufitiye umumaro, ashobora kujya ayigusangiza, maze icyizere mugirirana kikarushaho kuzamuka.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO