Munyakazi Sadate wahoze ayobora Rayon Sports, yafashwe n’ibitotsi imodoka yari atwaye irenga umuhanda.

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

Munyakazi Sadate wahoze ayobora Rayon Sports, yahishuye uko yakoze impanuka Imana igakinga akaboko, ni nyuma yo gufatwa n’ibitotsi atwaye imodoka ikarenga umuhanda.

Iyi mpanuka yabaye mu rukerera rwo ku Cyumweru tariki ya 19 Kamena 2022 ubwo yari atashye avuye gutegura imwe mu mihanda izakoreshwa mu gihe cya CHOGM2022.

Munyakazi Sadate wahoze ayobora Rayon Sports

Mu butumwa yashyize ku rukuta rwe rwa Twitter, yavuze ko yarimo ataha mu masaha ya saa cyenda z’ijoro, ni uko agatotsi karamufata yikanga yarenze umuhanda gusa yatangaje ko ameze neza.

Ati “Mu ijoro ryacyeye ahagana saa cyenda n’igice ubwo nari mvuye mu mirimo yo gutegura imihanda izakoreshwa nka déviation mu gihe cy’Inama ya #CHOGM2022, agatotsi kantwaye imodoka nari ntwaye irenga umuhanda gusa meze neza, nshimiye umugabo witwa Shema Joshua wanyitayeho akanamfasha.”

“Uyu mugabo tutari tuziranye n’abo bari kumwe banyeretse ko tugifite abantu bafite ubumuntu, njyewe n’Umuryango wanjye turamushimiye cyane n’uwaba amuzi amudushimirire kuko n’Imfura cyane. Ntacyo nabaye kandi n’imodoka nayo ntabwo yangiritse cyane tuvuye kuyikura ahabereye ikibazo.”

Imodoka yarenze umuhanda Imana ikinga akaboko abarimo ntacyo babaye

Abantu benshi bavuze kuri ubu butumwa bamwihanganishije ariko bamugira inama y’uko mu gihe yajya yumva atameze neza ko yajya yirinda gutwara imodoka.

Munyakazi Sadate yamenyekanye ubwo yari umuyobozi w’ikipe ya Rayon Sports muri 2019, yaje kuva ku buyobozi bw’iyi kipe muri Nzeri 2020 yegujwe.

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO