Udushya twaranze ibirori ubwo APR FC yegukanaga igikombe cya 20 cya Shampiyona.

TWOZA INTEBE, MATELA,AMATAPI N'AMAKARO (Duhamagare cg Utwandikire kuri  0789348058 (Wats app) cg 0784343748 (Call) ============

APR FC yatsinze Police FC ibitego 2-0 mu mukino w’Umunsi wa 30 wa Shampiyona, yegukana Igikombe cyayo ku nshuro ya 20 mu gihe kandi ari icya gatatu itwaye yikurikiranya.

Uyu mukino wabereye kuri Stade ya Kigali i Nyamirambo kuri uyu wa Kane, watangiye saa Cyenda n’iminota 20, ku isaha imwe n’uwahuje Kiyovu Sports na Marines FC i Muhanga kuko amakipe yombi yari agifite amahirwe.

Byari ibyishimo bidasanzwe kubakinnyi n’abakunzi ba APR FC

Ishyirahamwe Nyarwanda ry’Umupira w’Amaguru (FERWAFA) ryari ryateguye ibikombe bibiri, i Muhanga n’i Nyamirambo, kugira ngo ikipe yose icyegukana ihite igihabwa.

Mugisha Gilbert yinjije igitego kimwe rukumbi ku munota wa 52, ku mupira yatereye inyuma y’urubuga rw’amahina, ugendera hasi mu maguru y’abakinnyi ba Police FC kugeza ugeza mu izamu ryari ririnzwe na Ndayishimiye Eric ’Bakame’.

Iki gitego cyaje mu gihe i Muhanga bari bamaze iminota itanu bizeye gutwara igikombe kuko Kiyovu Sports yatsindiwe na Bigirimana Abedi ku munota wa 47 ndetse Emmanuel Okwi yatsinze icya kabiri ahagana ku munota wa 85.

Mugisha Gilbert wabaye intwari i Nyamirambo, yashimangiye intsinzi ya APR FC atsinda igitego cya kabiri ku munota wa kabiri w’inyongera, ku ishoti yatereye iburyo, umupira ukubita umutambiko ugwa mu izamu.

Gutsinda uyu mukino bivuze ko APR FC yegukanye Shampiyona ya 2022/23 ifite amanota 66 n’ibitego 24 izigamye ku mwanya wa mbere ndetse izahagararira u Rwanda muri CAF Champions League ya 2022/23.

Ni igikombe cya Shampiyona APR FC yegukanye, gisanze icyo mu 1995, 1996, 1999, 2000, 2001, 2003, 2005, 2006, 2006/07, 2008/09, 2009/10, 2010/11, 2011/12, 2013/14, 2014/15, 2015/16, 2017/18, 2019/20 na 2020/21.

Kugira ngo Kiyovu Sports ya kabiri n’amanota 65 izahagararire u Rwanda muri CAF Confederation Cup ya 2022/23, bizasaba ko APR FC itsinda AS Kigali ku mukino wa nyuma w’Igikombe cy’Amahoro uzakinwa mu mpera z’uku kwezi.

Umutoza Mohammed Adil Erradi wa APR FC yitabaje Ishimwe Pierre, Ndayishimiye Dieudonné [Nzotanga], Niyomugabo Claude, Buregeya Prince, Nsabimana Aimable, Nsengiyumva I’rshade, Mugisha Bonheur [Casemiro], Byiringiro Lague, Mugisha Gilbert, Nshuti Innocent na Bizimana Yannick.

Umutoza Mohammed Adil Erradi wa APR FC ateruye igikombe

Ku rundi ruhande, Umutoza Francis Nuttall Elliot wa Police FC yari yitabaje Ndayishimiye Eric Bakame, Usengimana Faustin, Rutanga Eric, Sibomana Abouba, Musa Omara, Ngabonziza Pacifique, Nduwayo Valeur, Ndayishimiye Dominique, Sibomana Patrick, Iyabivuze Osée na Usengimana Danny.

Igikombe cya Shampiyona APR FC yahawe giherekezwa na sheki ya miliyoni 25 Frw.

APR FC yatwaye igikombe cya 20 cya Shampiyona

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : [email protected]
SHARE

IGITEKEREZO