Imodoka z’akataraboneka, z’umuhungu wa Perezida , zafatiriwe ziri gutezwa cyamunara (Amafoto)

Imodoka z’akataraboneka, z’umuhungu wa Perezida wa Guinée-Équatoriale,  zafatiriwe ziri gutezwa cyamunara mu Busuwisi.

Izo modoka zafatiriwe n’abategetsi b’Ubusuwisi bijyanye n’iperereza kuri Teodorin Nguema Obiang.

Teodorin Nguema Obiang.

Ni we Visi-Perezida wa se Teodoro Obiang Nguema umaze imyaka 40 ku butegetsi.

25 mu modoka za Bwana Obiang ziri gutezwa cyamunara mu kibuga cy’umukino wa golf hafi y’umujyi wa Genève.

Byitezwe ko izo modoka zo bwoko butandukanye nka Lamborghinis, Ferraris, Bentleys na Rolls Royces zisarurwamo agera kuri miliyoni 18 z’amadolari y’Amerika.

Bivugwa ko amafaranga azava muri iyi cyamunara azahabwa umuryango ufasha wo muri Guinée-Équatoriale, aho ubukene bunuma.

Uyu mugabo atunze imodoka z’agaciro gusa

Zose hamwe, imodoka 75 ziri guterezwa cyamunara mu cyaro cya Chéserex aha mu Busuwisi, kuri kilometero 30 uvuye i Genève.

Bwana Obiang w’imyaka 51 y’amavuko, abonwa nk’utegurirwa kuzasimbura se ku butegetsi.

Yabaye umujyanama wa se ndetse aba na Minisitiri w’ubuhinzi, mbere yo kugirwa Visi-Perezida mu mwaka wa 2012.

Azwiho gukunda ibihenze cyane no kubaho mu buzima bw’iraha.

Abashinjacyaha bo mu Busuwisi bari barikumukoraho iperereza ku birego birimo gusesagura umutungo wa rubanda, ariko mu kwezi kwa kabiri uyu mwaka bahagaritse kumukurikirana.

Mu 2017, urukiko rwo mu Bufaransa rwamukatiye igihano gisubitse cyo gufungwa imyaka itatu kubera ruswa.

 

Tanga Igitekerezo ukoresheje Facebook