Mu gihe habura iminsi mike ngo Joe Biden arahirire kuyobora Amerika,abasirikari ntibakirara munyubako zabo(Amafoto)

Mu gihe habura iminsi mike ngo Joe Biden afate inshingano zo kuyobora Leta Zunze Ubumwe za Amerika, inzego z’umutekano z’iki gihugu zakajije uburinzi kugera n’aho bamwe mu bazigize baryama hasi mu Ngoro y’Inteko ishinga Amategeko izwi nka Capitol.

Amafoto yakwirakwiye mu bitangazamakuru hirya no hino ku Isi agaragaza umubare munini w’abasirikare barinze Capitol, aho bamwe bagaragaraga banirambitse ngo batore agatotsi dore ko bahamaze icyumweru cyose.

Abasirikare babarirwa mu gihumbi bitwaje n’intwaro ziregeye ni bo bari imbere muri iyo nyubako ya Capitol no hanze mu marembo yayo, ndetse no mu nzira zica munsi y’ubutaka. Umutekano wakajijwe ku rwego rwo hejuru hubakwa igisa n’urukuta ku buryo na zimwe mu nzira zihagana zafunzwe.

Ikazwa ry’umutekano kuri Capitol ribaye nyuma y’uko agatsiko k’abashyigikiye Perezida Trump kayiteye kakibasira abagize Inteko ishinga Amategeko ubwo bari mu bikorwa byo kwemeza intsinzi ya Joe Biden.

Abasirikari baryamiye amajanja

Ubwoba bwari bwose ko hashobora kongera kugabwa igitero ku wa Gatatu w’iki cyumweru, ubwo Abadepite bari bateranye bagiye gutera icyizere Perezida Trump kugira ngo yeguzwe cyangwa ntazongere kwemererwa kwiyamamariza kuyobora icyo gihugu; kubera imyitwarire mibi yakomeje kumuranga.

Ku rundi ruhande ariko irahira rya Joe Biden ritegerejwe ku wa 20 Mutarama 2021 ni kimwe mu bintu nyamukuru byatumye umutekano urushaho gukazwa muri Washington D.C no kuri Capitol by’umwihariko, cyane ko hari amakuru avuga ko abambari ba Trump bafite umugambi wo guteza akaduruvayo muri ibyo birori.

Aya mafoto yafashwe taliki ya 13 Mutarama agaragaza ingabo z’igihugu ziryamye hasi
aba basirikari biteguye urugamba
Buriwese aryamye yiteguye urugamba

 

Tanga Igitekerezo ukoresheje Facebook

TURAKWAMAMARIZA Niba uri umucuruzi, umushoramari, Umuhanzi n'abandi bantu bose bifuza kwamamaza, IBYAMAMARE.com turagufasha kwamamaza ibikorwa byawe bigere kubatuye isi yose kuko dusurwa n'abarenga miliyoni 2 buri kwezi, tugukorera inkuru, tukakwamamaza kumbuga nkoranyamba zacu zose harimo facebook, instagram, twiter na Youtube kandi bigakobwa gatatu mu Cyumweru ukwezi kose twamamaza ibyo ukora ndetse dushishikariza abantu kubimenya. DUHAMAGARE cyangwa utwandikire KURI Wats APP: +250 7830 35616 Cg utwandikire kuri Email : ibyamamarenews@gmail.com
SHARE