Yatangiye gucuranga iningiri afite imyaka 13, amaze kuzuza imyaka 41 akiririmbira igiceri cy’ijana(VIDEO)

Sibomana Kabeni ni umugabo wubatse amaze kwamamara mu mujyi wa Kigali kubera kuzenguruka asusurutsa abantu akoresheje igicurangisho cyitwa iningiri.

Uyu mugabo akunze kugaragara mu masoko atandukanye n’ahantu haba hateraniye abantu benshi mu mujyi wa Kigali.

Agenda azenguruka ahantu henshi, umubonye akamuhagarika amuha igiceri akamususurutsa, azi gukirigita iyi ningiri ye ndetse aracuranga benshi bakaryoherwa.

KANDA HANO UKURIKIRANE IKIGANIRO

Kabeni avugako atuye mu mujyi wa Kigali, mu murenge wa Kigali, akarere ka Nyarugenge ndetse ni naho yavukiye, ahamyako yatangiye gucuranga iningiri afite imyaka 13, akaba yarabikomoye kubabyeyi be, ubu arikuzuza imyaka 41 amaze avutse.

Sibomana Kabeni iyo aririmba yibanda ku ndirimbo z’ubuzima busanzwe, urukundo n’izishimangira gahunda za leta y’u Rwanda.

Mukiganiro Kabeni yagiranye n’ikinyamakuru Ibyamamare.com, yavuzeko ababazwa no kuba amaze imyaka myinshi acuranga iningiri ariko akaba abona ntacyo bimugezaho nubwo ngo bimufasha kubona udufaranga duke tumufasha gutunga umuryango, asaba abafite ubushobozi kuba bamufasha nawe akazamura impano ye ndetse akayibyaza umusaruro ufatika.

Yagize ati “Natangiye kucuranga iningiri mfite imyaka 13, ubu nujuje imyaka 41, mbabaza nuko nkiririmbira igiceri cy’ijana, mfite impano, nkeneye ubufasha ngo nanjye mbashe gutera imbere.”

Sibomana Kabeni, agenda azenguruka kigli acuranga iningiri, wamuha igiceri cya Mirongo itanu, ijana yose arayafata

Tanga Igitekerezo ukoresheje Facebook

SHARE